खाता म नई आईस महतारी वंदन के पईसा, त झट ले करव ए उपाय, तुरंते आही पईसा

रायपुर । छत्तीसगढ़ म ‘महतारी वंदन योजना’ के तहत प्रदेश सरकार महिला मन के खाता म हर साल 12000 रुपिया ट्रांसफर करही । यानि हर महीना महतारी मन के खाता म 1000 रु ट्रांसफर करे जाही । आज ए योजना के पहली किश्त महिला मन के खाता म स्वयं पीएम मोदी जी ह ट्रांसफर करिस । बावजूद एक गर आप मन के खाता म पईस नई आए हे त अब आप मन ल का करना चाह ? कईसे मिलही महतारी वंदन योजना के पहली किश्त?

पहली अईसे चेक करव कि पईसा आए हे कि नई ?

सबसे पहली
mahtarivandan.cgstate.gov.in वेब पोर्टल ल खोलव
महतारी वंदन योजना की वेबसाइट खुले के बाद मेनू म आवेदन के स्थिति विकल्प ल सेलेक्ट करव
एकर बाद अपन लाभार्थी क्रमांक या मोबाइल नंबर या अपना आधार कार्ड संख्या कोई भी एक डिटेल ओमा डालव
एकर बाद स्क्रीन म देहे गए कैप्चा कोड ल निर्धारित बॉक्स म भरव
कैप्चा कोड भरे के बाद नीचे सबमिट बटन म क्लिक करव
जईसे ही डिटेल्स वेरीफाई होही महतारी वंदन योजना-लाभार्थी आवेदन अऊ भुगतान के स्थिति दिखाई देही
इहां आप चेक कर सकत हे कि महतारी वंदन योजना के पईसा आपके बैंक अकाउंट म आए हे कि नई
अकाउंट म नई आए हे पईसा त करव ए उपाय

महतारी वंदन योजना के तहत ट्रांसफर करे गए पईसा अगर खाता म नई आए हे त आप मन ल परेशान होए के जरूरत नई हे। अगर पईसा नई आए हे त सबले पहली आपमन ए पता करव की आपके बैंक अकाऊंट ह आधार से लिंक हावे कि नई अगर बैंक से आधार लिंक भी त ए जरुर सुनिश्चित करव की आपके खाता म डीबीटी इनेबल हे या नई । डीबीटी इनेबल करे बर सबले पहली अपन बैंक जाके केवाईसी फॉर्म मांगव । फेर फॉर्म ल भरके अऊ पैन आधार कार्ड के फोटोकॉपी लगाकर जमा करेव । एकरे संग बैंक अधिकारी से बोलव कि आप मन ल अपन बैंक अकाउंट म आधार नंबर लिंक करवाना है अऊ डीबीटी सुविधा इनेबल करवाना हे, जईसे ही आपके बैंक अकाउंट म आधार लिंक अऊ डीबीटी ऑन हो जाही, आपके बैंक अकाउंट म महतारी वंदन योजना के पईस झट ले जमा हों जाही।